Преземи.pdf

Ќе ги поминеш сите стресови, термини, притисоци, застрашувања, уредници, газди и на крајот ќе го објавиш текстот, во кој ќе распалиш по сѐ што не чини. И потоа чекаш со голи раце да ги фаќаш ножевите што летаат кон тебе. Дефицитот на општествено влијание е една од сериозните причини за таканаречената „новинарска депресија“. Новинарот во својот професионален живот често се сретнува со туѓите трауми, со сообраќајни несреќи, умирања, бегалски кризи, полициска бруталност. Новинарството по дефиниција е стресна професија, а колегите можат да бидат како „прва помош“ за новинарите во справување со последиците од траума. Редакциите се први каде треба да се урне стереотипот на новинарската отпорност на стрес и соочување со психолошките проблеми кај новинарите по доживена траума.