Qirg’iz Tili Va Adabiyoti Fani.pdf

2021-2022 окуу жылында жалпы орто билим берүүчү мектептеринин 9-11-класс окуучулары үчүн кыргыз тили жана адабияты предметинен баскычтуу жана жыйынтыктоочу экзамендерди өткөрүү боюнча материалдар жана методикалык сунуштардын жыйнагы. Экзамен материалдары жана сунуштар Республикалык билим берүү борбору алдындагы Түркий тилдер боюнча Илимий-методикалык кеңешинин 2022-жылы 17-марттагы 1-сандуу токтомунун негизинде талкууланып, бекитилип басмага сунушталган. Жалпы орто билим берүүчү мекемелеринин 9-11-класс окуучулары жыйынтыктоочу мамлекеттик аттестациясын өткөрүү боюнча методикалык сунуштама жана материалдарды коммерциялык максатта көбөйтүрүп таратууга тыюу салынат. Жалпы орто билим берүүчү мекемелеринин методикалык бирикмелеринде баскычтуу текшерүү экзамендеринин материалдарына 15-20 пайызга чейин өзгөртүрүүлөр киритүү мүмкүн. 9-класс бүтүрүүчүлөрүнүн жыйынтыктоочу экзамени боюнча сунуштама: баяндама өткөрүүдө окуучулар тексттин мазмунун кандай түшүнгөндүктөрү, өз пикир жана түшүнүктөрүн чыгармачыл жана өз алдынча түшүндүрө алуулары, жазма кеп тажрыйбасы жана сабаттуулугу сынап көрүлөт. Чыгармачылык баяндаманын көлөмү кеминде 3,5 – 4 бет болушу мүмкүн. Белгиленген убакыт 2 саат (120 минута) болуп, 5 баллдуу системада бааланат. Чыгармачылык баяндама үчүн эки баа, ошондой эле мазмуну менен сабаттуулугуна (5/5) түрүндө коюлат. Жазма жумуш төмөнкүдөй баалоо критерийи негизинде бааланат. Баалар: Мазмуну, Сабаттуулугу. 5 балл: баяндаманын планы теманын мазмунун толук өз ичине алса, баяндама мазмуну тема, планга ылайык келсе, баяндаманын мазмуну системалуу үзгүлтүксүз түрдө ачып берилсе. 4 балл: баяндама пландарында удаалаштык бузулса, жазма кепте лексикалык байлыгы жок, сүйлөм түзүү бир түрдүү болсо. 3 балл: баяндама так жазылган, борок тексттеги 3-4 фактыларда каталыктар болсо. 2 балл: баяндама мазмуну планга жалпы туура келбеген болсо, фактыларда каталыктар көп болсо. 1 балл: жогоруда көрсөтүлгөн критерийлерден төмөн жазылган текстке коюлат, 7 жана андан ашык грамматикалык каталыктар болсо. Эскертүү: баяндаманы балоодо окуучунун өз алдынча ой-пикирлердин салыштыруу, сүрөттөө усулу, жазма кеп сабаттуулугу, сүйлөмдүн түзүлүшү жеке пикирлеринин орундуу иштелиши, чыгармачылык менен жандашуусуна карап, бир баллга ашырып коюлушу мүмкүн.