Sidee Ku Ogaadaa In Ilmaheyga Horumar Gaarayaan?.pdf

Waa xaqiiqo in ilmuhu dugsiga u tagaan in ay wax bartaan, laakiin waalidka leh ilmaha naafada ah waxey mar walba is wediiyaan “Sidee ku ogaadaa in ilmaheygu waxbaranayo oo horumar gaarayo?” Waalidku waxuu sua’ashaa jawaabteeda ku heli karaa iyagoo eega macluumaad kala duwan, oo ay ka mid yihiin warbixinta waxbarashada gaar ahaaneed, waxbarashada guud ahaan iyo warbixinada ay ka helaan dugsiga dibadiisa.

Afarta hab ee ugu wanaagsan ee waalidku u ogaan karaa horumarka ilmaheyga gaarayo waa:
(1) Natiijyada ka soo baxday qiimeeyntii ugu dambeysay
(2) Gool sanadeed la cabiri kara
(3) Warbixinta horumarka
(4) Dib ugu noqoshada qorshaha waxbarasho ee sanadka

Waalidku waxuu kaloo horumarkaa ku ogaan karaa iyagoo dugsiga ka hela waraaqaha loo yaqaan report cards, qoraallo kaloo ka hadlaya horumarka ama la kulma macalimiinta dugsiga.

Ilmaha dib u dhaca leh waxey xaq u leeyihiin in ay ka kheyb qaataan manaahijta guud ee loo dhiga ardeyda caadiga ah hadii ay ku haboon tahay. Waalidku waxuu warbixinno la xiriira manaahijta caadiga ah ka heli karaa halka laga helo waxbarashada caadiga ah.

Waxbarashada caadiga ah waxaa lagu cabiraa qiimeeynta degmada, qiimeeynta gobolka, imtixaanka xirfadda waxbarasho ee Minnesota, imtixaannada asaleedka caadiga ah.