Haitian Creole.pdf

Kesyon yo poze souvan (FAQs) sou izolasyon ak Karantèn. Maryland kontinye devlope plan kont prevansyon ak repons konplè e ki kowòdone pou maladi kowonaviris 2019 (KOVID-19). Depatman Sante Maryland (MDH) bay dènye enfòmasyon yo pandan sitiyasyon sa a ap devlope ak enfòmasyon ki egzat sou fason pou pwoteje tèt ou ak fanmi w.

Moun ki abite nan Maryland yo konseye yo konsidere tout direktiv sante piblik leta ak lokal yo, tankou evite foul moun, akòz risk pou ogmante COVID-19, ankouraje teletravay, mete mask oswa kouvèti figi nan plas piblik, biznis, ak sou transpò piblik, epi pratike distansman fizik.

Izolman se separasyon moun ki gen KOVID-19 ak lòt moun, pandan ke karantèn se pou moun ki te ekspoze nan KOVID-19 paske yo te nan kontak sere avèk yon moun ki gen KOVID-19.

Si w gen kesyon sou KOVID-19, rele depatman sante lokal ou a oswa rele nan 2-1-1. Si w fenk teste pozitif pou KOVID-19, swiv oryantasyon founisè swen sante w la, rete lakay ou, epi pran swen tèt ou.

Pifò moun ki gen sentòm KOVID ka swiv twa kondisyon CDC yo anvan yo ale nan mitan lòt moun: sa a fè pou pi piti 10 jou depi w te santi w malad pou premye fwa, sa a fè pou pi piti 24 èdtan depi w te gen lafyèv san w pa pran medikaman pou diminye li, epi tout lòt sentòm KOVID-19 yo vinn amelyore.

Si w rete san sentòm, li anjeneral san danje pou w kontinye aktivite nòmal lè 14 jou pase depi dènye kontak ou avèk yon moun ki gen KOVID-19.

Pou pwoteje fanmi mwen oswa moun kap ban m swen an pandan m ap rekipere nan KOVID-19 nan kay la, eseye rete lwen lòt moun toutotan sa a posib, rete nan yon sèl chanm, mete yon mask ki pou kouvri figi w, epi mande yo pou yo mete youn tou.