South Gobi News.pdf

Өмнөговь аймгийн 2019 оны 4 дүгээр сарын мэдээний тулгамдсан асуудлуудыг хэлэлцэн шийдвэрлэсэн. Аймгийн ИТХ-ын Тэргүүлэгчдийн ээлжит 7 дугаар хурал 2019 оны 4 дүгээр сарын 08-ны өдөр хуралдаж цаг үеийн 10 асуудал хэлэлцэн шийдвэрлэлээ. Мөн Аймгийн Засаг даргын Тамгын газар 04 дүгээр сарын 24-ний аппаратын хурал хийж 6 асуудал хэлэлцэн шийдвэрлэж ажиллалаа. Орон нутгийн төсвийн байгууллагуудын төсвийн гүйцэтгэлийн 3-р сарын мэдээг хүлээн авч орлого, зарлага эдийн засгийн ангилал тус бүрээр Фрибаланс программ дахь төсвийн гүйцэтгэлтэй тулган шалгаж, Сангийн яамны Төрийн сангийн газарт мэдээ болгон хүргүүлсэн. Боловсрол, соёл, эрүүл мэнд, нийгмийн хамгааллын бодлогын хүрээнд элсэлтийн ерөнхий шалгалтын бэлтгэл ажлыг хангах АЗД-ын 2019 оны 03 дугаартай албан даалгаврыг гаргаж, хэрэгжүүлж байна. Өсвөр үеийн сэтгэцийн эрүүл мэндийн асуудлаар зөвлөн туслах арга зүйн сургалт»-ыг Эмэгтэйчүүд залуучуудын эрүүл мэндийг дэмжих нэгдсэн хөтөлбөрийн хүрээнд 15 сумын эмч, мэргэжилтэн, сургуулийн нийгмийн ажилтан нарт 4 хоногийн турш зохион байгуулахаар аймгийн НБХ, ЭМГ, БСУГ, Сэтгэцийн эрүүл мэндийн үндэсний төвийн эмч, мэргэжилтнүүдтэй хамтран ажиллаж байна.