Баян-Өлгий аймгийн мэдээ.pdf

Баян-Өлгий аймгийн Засаг даргын Тамгын газрын 2019 оны 4 дүгээр сарын мэдээ: Удирдлага, зохион байгуулалтын талаар аймгийн удирдлагуудын шуурхай зөвлөгөөн 4 удаа хуралдав, Төрийн шагналаар шагнуулахаар тодорхойлсон хүмүүсийн материалыг хүлээн авч танилцан дээд байгууллагад уламжлав. Баян-Өлгий аймгийн Ногооннуур сумын 9-р багийн нутаг Цагааннуур тосгоны 2 иргэн тарваган тахлын шинж тэмдэг бүхий өвчнөөр өвчилсөн хэрэг гарсан. Аймгийн Онцгой комисс шуурхай арга хэмжээ авч, урьдчилан сэргийлэх үүднээс аймгийн Засаг даргын 319 тоот захирамжаар 2019 оны 4 дүгээр сарын 30-ны өдрөөс эхлэн 6 хоног Цагааннуур тосгон, Өлгий сум, аймгийн Нэгдсэн эмнэлэгт хорио цээрийн дэглэм тогтоож, орж гарах бүх хөдөлгөөнийг болон сургууль, цэцэрлэгийн үйл ажиллагааг зогсоогоод байна. Эрүүл мэндийн чиглэлээр аймгийн Эрүүл мэндийн газраас гаргасан 2019 оны халдварт өвчний эрсдэлээс сэргийлэх, мэдээлэл сургалт, сурталчилгаа хийх удирдамжийн дагуу Эрүүл мэндийн газрын Нийгмийн эрүүл мэндийн төвийн халдварт өвчний асуудал хариуцсан мэргэжилтэн, Шипагер өрхийн эрүүл мэндийн төвийн их эмч, Нийгмийн эрүүл мэндийн ажилтан, сургуулийн эмч нар хамтран Өлгий сумын Ерөнхий боловсролын 5 дугаар сургуулийн 10-12 дугаар ангийн нийт 120 хүүхдүүдийг А гепатит өвчнийг илрүүлэх, урьдчилан сэргийлэх үзлэгт хамруулж, мэдээлэл өгч ажиллаа.