ЕУ Реформи: Ефикасност на Одредницит е.pdf

Генералниот директорат за соседство и преговори за проширување на Европската комисија, Министерства за надворешни работи во земјите членки на ЕУ, службеници во институциите задолжени за координација на процесот на интеграција во ЕУ, академци чија област на истражување е ЕУ проширувањето, граѓански организации вклучени во процесот на ЕУ интеграција и пошироката јавност.

Проектот "Одредници за ЕУ реформи – колку се ефикасни?" има за цел да утврди ефикасноста на одредниците за членство во ЕУ на земјите од Западниот Балкан и да придонесе кон подобрување на овој механизам како поттик за ЕУ реформи во земјите од регионот. Проектот ќе се фокусира на тематските области како што се европска интеграција, пристапување кон ЕУ, ефикасност на одредниците и развивање на методологија за оценување на ефикасноста на механизмот на одредници.

Активностите на проектот ќе вклучуваат анализа на извештаите на ЕК 2016, национални студии и оценка на ефикасноста на одбраните одредници, изработување на регионална компаративна анализа, национални настани, регионален настан, средби со националните претставници одговорни за координација на процесот на интеграција во ЕУ и средби за застапување со претставници на избрани земји-членки на ЕУ.

Резултатите на проектот ќе бидат компаративен преглед на годишните извештаи на ЕК за 2016 година, развиена методологија за оценување на механизмот на одредници за ЕУ членство на земјите од Западен Балкан, студии за државите според избраните одредници и резиме на политики вклучувајќи и препораки за подобрување на механизмот на одредниците.

Проектот ќе придонесе за споделување и пренесување знаења и искуства меѓу државите на Западниот Балкан и ќе придонесе кон подобрување на регионалната соработка на организациите кои работат на интеграцијата во ЕУ. Проектот го финансира Европскиот фонд за балканот.